又係我....

記得細個果時屋企勁窮
個唔識計數既老竇唔知點解唔計清楚又要懶勁咁學人走去買樓
結果其實以當時佢份糧, 唔食都唔夠供既情況下
媽咪唯有拋個身出黎, 揍人地d細路黎幫補家計

於是, 明明係掌上得果一粒明珠的太公
咁就要學人做大家姐

大家姐唔易做, 唔多筍的
要照顧埋果兩三個死仔/女, 冇得怠慢 (因為阿媽受人錢財...)
有時阿媽分野食, 佢地實唔會有漏不過你自己人就難講
而且你係阿媽個女, 自己會管你管得嚴d
然後夜晚又個個返屋企得你一個好鬼悶
不過好就好在當阿媽打太公, 會有阿堅仔(同太公感情最好果個)幫口話: "阿姨唔好打啦..."

然而, 最慘就係要拖佢地出去時
因為你最大
乜都要你楂晒主意諗晒.
乜都要你帶頭做

其實太公又幾被動, 幾懶諗野既人
不過又因為咁, 咁呀, 咁咪幾大就幾大, 照做...
但始終係有違本性既事,
所以總係間唔中就會發脾四: yee!!! 又係我...又係我諗晒做晒, 你地自己諗/做呀!
餘人啞晒, 不幸俾阿媽聽到既話又係一場家庭風波

呢d咁有違本性既training train左出隻怪物出黎, 結果.
看似獨立自主,
見到野又真係會去主動做主動諗主動行多步...
但其實, 都係因為有違本性
得閒無事就會獨自感慨: 又係我....!! =.="
甚至因此發脾四...尤其是個事實係, 果d事唔係得我一個有Obligations去諗既時候...
唉~~ 可唔可以唔係我去諗人地點諗, 可唔可以唔係次次都係我去做
可唔可以係人地氹我唔係又係我去整色整水氹人開心
可唔可以唔係次次都係我去破冰
可唔可以唔係次次都係我去諗節目
可以既話, 可唔可以唔係我呀....!!!!!