Good qualities?

前兩日追返d頭條新聞 (係呀, 新一輯, 仲有太公至愛"尾房榮")
梁文道同劉細良話London Blast竟然冇人踩死,
證明英國人質素高咁話喎
而且個位唔係似阿陶傑, 要串d咩特別既人質素低果隻
(果d又唔同講法)

喂大佬, 你地唔了解英國人就唔好亂吹

好你條命!
佢地當然有好過香港人既地方, 但係唔代表整體質素真係好.



太公返左兩日學, 見到既都係呢個景lor. 人搞回收, 你搞回收, 你咁搞叫人點攞d樽過黎呀 (仲要方圓十里得呢度有回收喎)

同埋London Blast 點解可以咁臨危不亂? 老實. 如果你住既地方經常會有極出乎意外兼不可思義既火車延誤, 甚至無啦啦cancel, 然後佢地既應變措施係非常不可理喻, 而你同你d街坊都慣晒冇conplain既話, 咁你平日都會有足夠既trainings, 遇事都會臨危不亂, 老實; 佢地d tube仲成日有罷工同delay的. 呢d咁唔合理既inefficiencies, 香港一定冇可能發生...even係架地鐵延誤10分鐘都好大件事...呢, 如果斷軋呀, cancel左架車呀咁, 仲唔鬧到拆天, 邊似呢度d人會咁隨遇而安.

太公同太媽媽係溫莎就試過, 佢地因為火車斷軋要冇車返london, 點左我地去另一個站, 點知去到又係壞火車停駛, 竟然呢我地自費搭的士去另一個站轉車...大佬我買左來回飛果噃. 然後返另一個站, 好d, 有接駁巴士, 不過要等成個幾鐘先出現, 佢地d instructions仲好唔clear架; 好勒, 等到勒, 去到另一個站, 上左車, 點知架火車又要dull路, 攪到遲勁耐; 結果係原本個零鐘既車程, 要用3個幾鐘先完成. 太媽媽呢位初黎步到既香港師奶自然好唔慣, 等左唔夠半個鐘開始勞嘈. 而太公因為習慣呢度既delays, 係直到係架火車上, 因為受唔住太媽媽兩個鐘以黎既不斷勞嘈(仲要係見到架車打到"tun"之後加劇左的)而要扮金魚...

所以我覺得呢個只係呢個民族既特色黎jae. 即係, 每一項特點都有佢正反兩面; 我地香港人既然有有效率既優點, 咁自然就相應既弱點就係唔夠臨危不亂, 同Newton's 3rd Law一樣道理, 哈哈!!