尋找豬腸的故事

鍾景龜: 攝製隊今日黎到荃灣既一間小食檔, 帶大家尋找一條豬腸, 炸到慶烚烚既豬腸...背後既一個感人既故事...

鍾景龜: 老板唔該一串炸大腸呀

老板: 黎~~~~

老板娘: 咪~~~~住~~~~~ (含淚咁遞俾鍾景龜) 嗱, 呢條豬腸係我棉乾絮濕含辛茹苦咁炸佢出黎既....你記住食得有感情d喎....

鍾景龜: (大受感動) 估唔到, 一串豬大腸既背後, 都有如此深厚既感情. 一串豬腸, 其實, 背後既意義, 我地又係咪成日忽略左呢?

~~~忽然間~~~~

鍾景龜: 老板.....d豬腸有屎味既?

老板娘: 哎吔! 係喎! 今日唔記得洗乾淨d豬腸...

鍾景龜隨即想嘔!!

老板娘: 你唔好嘔呀!! d豬為左我地, 而犠牲左自己...你而家嘔左出黎, 就即係要佢白白咁犠牲姐!? 仲有, 呢d屎! 唔好睇小呢d屎! 呢d屎就係呢隻豬同呢個世界唯一一點碩果僅存既連繫!! 我地唔係呢一點連繫都要抺殺!! 都要唾棄?! 我地作為萬物之靈, 真係要咁殘忍咩? 唔好嘔...食埋佢.....

鍾景龜: ....................................(突靈機一觸)各位, 攝製隊今日黎到荃灣既一間小食檔...既前面, 係為左帶大家黎尋覓一下, 街邊果位賣報紙既阿叔, 所著住既豬腸牛仔褲!! (鏡頭一pan, 對住左個唔知發生咩事好茫然既報紙檔阿叔...) 到底, 呢一條豬腸牛仔褲既背後, 又有咩辛酸感人既故事呢?......

(另一邊廂....)

老板: 咁都得呀?

老板娘: (得烕地) 唔緊要呀, 阿報紙佬都係因為食得多我地既炸豬大腸先會搞到條牛仔褲變得咁豬腸, 阿鍾景龜呢舖食硬d豬腸架啦.....