厭惡男人症

死啦, 我覺得呢排好似患左呢個厭惡男人症咁, 見親d格衰少少既都想dull 巴扯埋去咁....


呢, 今日搭地鐵之ma, 搭扶手電梯上果時, 隔離個阿叔係度勁"啤"住我, 我係一個勁凌厲既眼神超埋去, 正想作勢打佢兼開口大鬧:

"望咩呀望? 前世未見過醜女呀? 信唔信我推你落去呀嗱?"

點知佢收眼收得咁快架?! 我真係好想推佢落去架!!!!!!!!

仲有, 等過馬路時前面個仆街食煙攪到我成身煙味, 真係想踢佢出去俾車撞死呀!!

仲有, 又係坐扶手電梯果時, 今次落, 前面個男人明明係鰂魚涌都要話自己係cwb....哼!! 咁即係呃人既即!! 睇佢個款仲好似係呃緊女朋友喎, 哼~~~!!!!! 同我個ex一模一樣呀淨係識呃人!! 真係想dull腳踼佢落去呀!!!!!!!!!



人黎!!! 邊個可以捉我個ex返黎俾我打一身者....重酬!!!!!!!!!!!!!!!


(雖然我都知道佢俾我飛已經好慘, 但係, 係佢自己衰喎, 我同佢一齊邊有開心過呀, 連阿xc都記得佢架, 記得要叫佢去死呀ma!! 唔得, 佢當日令到我有幾唔開心, 我一日仲記得, 我一日都好想打佢鑊金!!!!! 呢d咁冇用又自私既男人係咪人人得以誅之呀!!!!! 你話嘞!!!!!!!! 當日佢攪到我幾唔開心, 我唔開心就不聞不問, 同佢講佢又當冇件事發生, 家下想我問下佢感受點?! 過主啦!!! 唔好再係我面前扮可憐啦!! 呢d就叫因果不爽, 佢有今日既下場, 都係拜佢當日對我有幾衰所賜喎!! 唔可以怪我絕情喎!! 仲有呀, 即係街邊既阿叔話自己老婆仔女走佬好慘, 凡事有因有果, 你叫佢反思下自己做乜搞成咁先好去同情人呀...呢d男人好事多為, 老婆仔女走佬....報應黎架!!! 咪見佢而家好慘就真係好慘就真係人地負佢先得架!! 佢當日有幾風流對佢老婆有幾傷害你見唔到咋!!!! 眼前呢d係報應呀!!!!!!!......<下刪一百萬隻帶火既字>)


依吔.....!!! 更年期!!! 往後兩日係荃灣及cwb出沒既男士小心.....唔好話我唔提醒你呀, 你格衰就咪超超貢呀, 因住我一個唔該dull 巴星埋黎呀!!!!


同埋唔好再煩我呀唔該~~~~!! 我真係好怕d又悶又煩既男人架拜托~~~~!!!




(主診太醫按: 呢位病人怕且都病入膏盲, 醫黎都waste藥費, 宜乎捉佢去人道毁滅, 同埋政府已經係荃灣啟動黃色警報, 要求該區既男人疏散去安全既地方, 有咁遠走咁遠....同埋一定要將佢同佢個ex隔離, 一俾個ex剌激下就會變成咁.....你就當冇識過呢個衰人啦太公, 呢d衰人大把風流債唔使你郁手都有現眼報架啦...)