獅子山下

好, 今日除左去廣播道睇大明星 (即係我自己 -- 蔣大太公!) 之外, 就係遊獅子山下...



從來都與獅子山下結下.....好似係冇乜緣. 因為一直都只住過荃灣, 以及住過下西環及鰂魚涌，所以我會prefer 講話"大家大帽山/太平山/扯旗山(O....)下.....俾下面好喎" 而總係覺得獅子山下有少少扯唔埋咁, 只係果套野代表左香港同埋屋邨生活jae...

但真係的, 一走去獅子山下 (即九龍東一帶), 唔知係咪真係睇得電視多有影響, 成陣六七八十年代香港除撲面而黎 (同中西上環果d又好唔同)....真固有很多屋邨, 而且不少都有返咁上下歷史. 今日發現之美東邨之外, 南山邨, 唔知拆左未的石硤尾邨, 樂富邨, 同好新既橫頭磡邨, 未計深水埗黃大仙牛頭角等地成堆....



係新型屋邨生活慣既話, 就一定覺得個個屋邨都係差唔多-- 你就差唔多! 家下新型屋邨當然, 有間wellcome/pk+Mannings/Watsons, 另有返間阿羅羅雪糕屋呢d一定係指定動作, 再會多返間美心之類既快餐呀咁....舊區, 雖然又係會有茶餐廳餅舖雜貨舖藥房呀咁, 但至少個名唔同, 賣既野/招牌菜都會有唔同, 唔會咁jai...更何況舊屋邨個"範圍"感比較弱, 週邊既環境會較易與之融為一體....如果因地理環境而自成一角的話...一係就好似興華二邨咁油到綠色咁鬼核突, 離勁遠都知佢係咩邨咁lor...




言歸正傳, 獅子山下多屋邨, 而多人, 因而多公園. 今日介紹呢個聯合道公園, 都幾好架, 唔嘈, d阿伯散步做運動唔鬼理你, 仲好斯文唔會大聲嘈果d, 仲好靚同風涼水冷架, 又大, 好舒服架坐得....





沿聯合道往九龍城方向行, 除左途經jusco外, 仲有一檔車車面的, 一放學就勁多學生, 仲有兩大個阿婆坐係門口損牛丸(定豬丸呢)....嘩! 好似好滋味咁呀!! 好大吸引力呀!! 但真係成堆學生圍住晒我夾唔到入去....呀呀呀~~~~老咯, 算, 我實有機會既!! 我當減住肥先, 哼!!!!!!!

最後到達目的地侯王廟.....咩話?! 維修?! 氣!! 明年請早!!!!!!!!!!!!!






另.......

原來又一城果間izzue入面果間細i.t.變左間outlet呀.......呵呵, 咁就俾我以低價執到條腰帶啦, 哇哈哈.....

但係, 之後係ozoc出左血, 真係......早知就入西貢啦!! 哼!!!