絕招

朋友講起呢個話題
「如果一腳踏幾船既話，咁若果同某一個約會黎時另一個打電話黎，最好既解決辦法係咩呢？」

太公係果d對住一個男朋友都會嫌煩既人
一腳踏多過一條船呢家野自然唔慌有佢份
但
諗起一個以前一個有人用過係太公身上既招數...都ok架, 對付個蠢蠢地既男/女仔都冇問題架...



1. 得閒就訴苦話自己個電話sort sort地呀, 成日唔響呀, 或者會自動cut線之類, 咁就女/男仔打黎cut佢線, 或者同第二個約會時熄電話都名正言順 (不過俾人發覺你電話其實唔係sort sort地既話呢....好自為之啦)

2. 呢個幾絕架. 假若你真係有日同第二個女/男仔去街, 但你冇熄電話, 但另外一個又用冇number既來電打入黎你又唔覺意聽左喎. 咁你兩個都唔想得罪, 咁點算呢？ 嗱嗱嗱, 可以咁：
(對電話果個講) 「你可唔可以過十五分鐘先打過黎呀，我而家同我朋友傾緊計」
(然後望向同你一齊果個，但其實呢句係講俾兩個人聽既) 「阿輝 (總之係果兩個人都知你既一個同性朋友既名) 呀！」
咁就兩個都以為對方係你果個「阿輝」啦

冰雪聰明如太公者都要等掛斷電話之後先發覺有問題呀


仲有, 得閒emphasize多d話咩兩個人既關係呢, 係建基於互相信任...云云....
仲唔死？