玉子燒....

我又整玉子燒
凌晨點幾肚餓訓唔著走出去整..

其實今次第三次
除左落既油唔太夠令到第一層蛋皮唔要得之外
其他都好過第一次好多

不過呢d都唔係重點
重點係有隻論盡貓想伸手入個櫃度拎個盒蓋時
論盡到竟然個手爭將成楝盤+碗推出個櫃外
又救唔到
眼白白睇左佢成棟跌落地

唔知係咪隔山打牛既原理
係底既兩個大盤竟然冇事 (不過未睇真有冇裂縫...)
但個靚靚tea plate + 成副身家果兩隻碗就報銷na...(係呀, 太公冇碗用..)

仲要係隻左腳腳指公位出現左個約0.8-9cm既傷口
未止到晒血架
太公而家係用右腳禁住個左腳個傷口黎打呢篇野...
真係....可怒也.
真係死蠢呀!!!

連隨打電話俾d有為青年
唔理佢係咪準備返緊工就遲到果隻
我都要將呢個經歷講晒俾佢知架啦
十字箱...冇十字箱喎......

跟住咪又打左封email同呢篇gae野...
內容同上....


人論盡有咩藥醫呀??!! 頂~~~~!