25個要肥的理由

1. 可防止成為冷血的士司機的目標 -- 大佬點抱得起你質入你車尾箱
2. 被綁架的可能性相對較低，原因同上
3. 被活捉作禁室培育的可能性相對較低，原因同上
4. 被犯人拖埋一二角強姦機會較低，原理同上
5. 肥絕對係同可愛教主鬥可愛的本錢，你睇下肥田
6. 肥人既氣勢絕對係可以兇得下人，你睇下肥田
7. 有較大空間成為先行者為社會的審美觀破舊立新，你睇下肥田
8. 肥會俾人感覺你好人d, 你睇下肥田
9. 買衫抵d. 一件衫所有碼同一個價錢，但大碼用既布多好多
10. 搭車都抵d. 你俾同一價錢但佔車箱空間大d喎...
11. 捐血捐大包d，可以造福更多有需要的人
12.你/你老竇老母交稅交得抵d...都係交咁多，你佔既公共空間多過其他人
13. 你/你老竇老母交既差响交得抵d....都係交咁多，警察對你人身既照顧範圍係多d架
14. 肥妹肥仔, 有日等錢使, 拋個身出黎做有多個選擇 -- 除左可以賣自己落火坑，仲可以賣自己俾纖體公司，分分鐘名利雙收。
15. 社會上普遍認為肥會引致一些疾病，如心血管病，糖尿病等等...你肥，身邊總會有人提下你得閒冇屎痾要去驗下膽固醇、血壓同埋血糖；省卻自己提自己去驗身；分分鐘d瘦人待瘦以為自己好健康，要等出事先知死。
16. 搶鏡d, 因為佔有鏡頭絕大部份
17. 可以不經不覺地施行暴力....下？我責親你呀？ sorry呀我唔小心跌親架！我仲起唔到身tim!! 你透唔到氣呀？哎吔吔吔....最衰我咁論盡，仲未起到身tim......
18. 打十號風球冇咁易被吹走....可以考慮去一d瘦骨仙唔去得既地方, 如去碼頭睇浪
19. 絕對有本錢做電視台颱風特派記者
20. 去camp時可以"我怕上重下輕會反床呀"為藉口死都唔訓上格床 -- 訓上格會look落黎好危險架
21. 肥人有肥福
22. 如果食左含有相同份量蘇丹紅既蛋，重d既人受既影響細d
23. 如果食左含有相同份量孔雀石綠既魚，重d既人受既影響細d
24. 楊貴妃假假地都係一代美人呀!
25. 開講都有話：一肉旁身，成世通行！冇錯既....