赤口，就要開年

赤口玩Re U, 一大班老頑童，有咩好得過齊齊去睇春田渣渣同樂會呢？

MK Broadway係要劃位的，成排，七個人爭d坐晒。


豈料太公想入時，竟發覺原屬自己及友人的位俾位師奶及仔坐左！


嗱, 你坐錯唔緊要，黑麻麻睇錯好正常。

但個問題係，家下明明係位師奶錯，佢仲要惡死能登咁怪責我地果兩位先頭部隊，話佢地唔早響，早響就唔坐入黎，云云。

正所謂赤口要開年。太公一聽，真係好火。兼認識太公就知，太公份人一惡就好串，就係以呢種串格，大聲講左兩句：喂！成行除左最入個位都係我地果噃！

同埋：喂！張飛有劃位果位果喎！唔係不設劃位亂坐果d，你夜盲架？！



相信，其實位師奶聽唔到太公講乜, 因為當時已經出緊trailer。之但係，太公呢個惡死能登既樣，已經嚇到位師奶係咁講住唔好意思咁走，同埋將個波拋晒俾佢個仔 (人地細路黎jar!!) 扮Innocent.....



中國人！真固欺善怕惡乎？