區區有睇頭

嘩....今日去做written test, 雖然做左堆屎出黎, 但係收穫勁豐富呀~~!!!


就係, 係呢個柴灣地鐵站c出口, 連接去柴灣公園果條橋度, 有個阿伯賣砵仔糕呀!!!!! 我近兩點時行過見唔到佢, 但三點半行返就見到啦, 佢d砵仔糕又熱又好味又勁多紅豆架!! 同西環個阿婆有得fight, 甚至好似好食個佢咁 (因為太耐冇食唔可以作準確比較) 嗚~~~~~~~~~~~~ 超感動!!

各位"好"砵仔糕既人士得閒可以去朝下聖既....


另, 尋晚同朋友發現左一間都唔錯既日本野, 就係係YMT, 中華書局側邊, 個名唔記得, 不過中華書局旁就得佢果一間日本野所以都唔慌會錯。每人食左各兩件劍魚腩, 三文魚同帶子刺身, 各一件甜蝦及墨魚sushi, 再加好多件金龍卷(炸蝦, cheese, 碎紫菜, 仲有魚籽), 都係每人100大洋...d魚真係好新鮮好鮮甜架!! 以呢個價錢食到呢個質素既日本野真係唔錯架 !!) 唔想咁遠走入西環同埋坐得冇咁舒服咁食神谷(位於西環山市街, 堂食得五個位同只係做晚市兼逄星期一係唔開的 ), 呢個都係一個唔錯既choice呀!! 同埋佢d劍魚腩真係超得, 開心死好耐冇食過既我呀~~~~~~~~~!!! (如果有東亞card, 有9折會仲高興...)


同埋之前同ex同事去呢個德國餐廳(老尖東鐵站J1出口轉右行出街第一間你見到既舖頭就係na...) 食豬手同腸腸, 又係好好味呀....每人七十蚊咋圍埋都只係...仲有之後phoebe介紹我飲既南非有汽果汁, 係一樣咁好飲既!!


同埋荃灣大家樂個一哥珍珠蠔火鍋, 以及HKU既叉豬飯都係食到我感動力作之一!


此外呢...就失望多lor...


鴻星早茶好似退步左, 佐敦間正宗雪園執左 (老尖果間唔好食架, 唔夠正宗, 媽媽話家下剩返既雪園, 應該只係得炮台山果間叫ok家咋...同埋會平d lor, 老尖同cwb果兩間都係貴以前佐敦果間一 "gu"架...老飯店返黎未食過唔知變成點, 而太公相信留園咁貴應該都仲係keep到個質素, 不過無啦啦走去食真係發左mae....) 樓下好味thai food執左. 同埋太公決定唔會粒亂出街食pasta, 返到黎除左果次係德國餐廳食果次係好味之外次次都食到有少少想嘔既感覺... 即係你又要扮唔係果d港式茶飺廳果d肉醬呀, 海鮮意粉 (呢d名正言順搞HK style fusion acceptable ah) na, 懶high 咁, 但又一粒spice都冇喎, 有間連black pepper都冇!! 仲要俾我聽到佢既microwave既叮叮聲!! (成份Bolognaise都好似煮定咁呀, 好核突呀...) !! 同埋咁多間樓上/細細地既coffee shop既coffee都係超淡超難飲...唉, 好掛住係Spain 同係Edinburgh果時求其撞入去, d coffee都會好好飲 -- 起碼都不過不失先啦.....




不過, 正所謂區區有睇頭, 太公樂悠悠~~ 一定會仲有好野食既.... pasta咪自己煮lor, coffee咪等搵到野做出左糧買部coffee machine 先....italian果隻, 有得打奶果隻...哇哈哈....