契弟

話說太公有位大學同學
因為其上庄乃為太公o camp之組爸 (即都係叫其老竇)
以及其細過太公唔夠一個week
所以二人就姐弟相稱na

不知情的友人聞及太公有"細佬"
即云：「咁佢咪即係你契弟！」

係喎，太公一直對人以「細佬」稱之
冇諗過用呢個大家一般都愛黎鬧人既term
(話某人：正契弟，亦即鬧人衰/賤格，兼衰/賤得黎低庄果隻...)


The same logic applies
中國歷史上之契弟固真不少..

於是關羽就會講：「翼德者，乃吾契弟也！」
張飛又會話：「玄德者，乃吾契弟也！」
劉備又會話：「吾乃張兄及關兄之契弟也！」
(呢個排行太公估架jar!!)

或者可以咁講，劉備於桃園結為關羽及張飛之契弟也...


而梁山伯同祝英台個case
當梁山伯同佢d同學仔介紹佢呢位新兄弟同學時：
「各位，此乃吾契弟英台也！」

因為係讀書人，佢地可能會識返一兩句洋文：
山伯可能會懶親切咁講：「oh, 英台my契弟！」


近期d會有：
王飛：「其實我同阿檸檬仲keep住有聯絡，我當佢係契弟咁架！」

朗麻度：「阿朗麻顛佬係我契弟黎架！我地成日一齊切磋球技架！！」

當奴曾：「阿許氏人係我契弟好耐啦，所以我會同佢合作得好好架！」


......

所以呢
各位細過我既男性朋友
咁好再咁客氣要叫我做「家姐」or「契姐」之類啦
唔係，你會：
「咁就燒焦，又係做契弟咁"橋"，一早知你係慒一朝！(今日突然慒左出事)」

我叫你大佬又點話呀，哈哈... (我咁青春少艾，係咪？)