苦情戲一幕

Scene4 Act3 (已經去到呢個地步咯喎，唔通仲SceneI actI 咩)

時：個仔就死之時
地：個仔就死既醫院
人：就死既仔(仔)，就死既仔既醫生(醫)，就死既仔個阿媽(媽)


(開幕時，一片悲情既小提琴既background music響起，媽同醫企係仔旁)

醫：(拎出個仔身體某部份，對媽)我地幫你個仔睇過啦，咁我地幫佢換過個身體某部份(觀眾忍唔住註：邊部份呀編劇大佬？)，佢而家就蘇醒左過黎，唔再係植物人...
媽：(開心驚喜狀向醫)係？ (喜悅地望住個仔)
醫：但係...
媽：(擔心地望向醫)但係咩呢大夫？有咩唔怕講喎
醫：但係，我恐怕就算幫佢換左個身體某部份(觀眾按耐不住：咩呀? 咩身體部份呀，仲唔講架？！)都好，因為佢自身既身體機能問題，佢可能都活唔長...
媽：(哀)下...
醫：你可以考慮下賣左個仔...(beethoven既命運交響曲響起："登登登登！" 加埋幾聲雷聲)
媽：(驚)下？賣左個仔？！呢個始終係我個仔呀！我乾濕棉絮咁揍大佢仲校埋阿華田好立汁俾佢飲架...
醫：(壓低聲線)我問過d專科醫生，如果幫佢加埋身體另一部份呢(觀眾大驚：下？加多隻手定加多隻眼呀？)，可以賣到好高既價錢架...
媽：(自言自語地)咁賣左佢黎專心養大其他細路都好...
醫：咁我就幫你係"醫碑"度買入個身體某部份 (觀眾頂更驚：下？難道"醫碑"就係傳說中既黑市器官交易市場？)，做完移植手術之後再賣左你個仔啦！
媽：好啦...醫生，真係多謝晒你，你真係仁心仁術，幫左我好大既忙呀，我一個女人人家，嗚...
醫：你可以為你個仔set返個reserve price, 咁個價就唔會太低nor
媽：好，就咁樣一言為定。我可唔可以lor我個仔原本個身體某部份 (觀眾頂唔順：依呀....再唔講郁你架！)走紀念下呀?
醫：當然可以，佢都冇用lor
媽：多謝晒你醫生。(見個醫生開始要聽電話又剩)我唔打攪你啦，就此告辭。(講完就走；此幕完)


(欲知後事如何，請看下回分解啦，哈哈)
(特別客串：炮台山)




(呢，呢個咪個"身體某部份"咯！蝦d呀！)


=============================================================
後記:
原來炮台山真係有幫我返新過我個仔架
唔怪得見返時總係覺得有d陌生咁
因為冇左我以前用到佢咁殘舊既痕迹
耶~~~多謝炮台山~~~~~
咀啖你當多謝啦....
(預測炮台山既反應係: (彈開先) 你唔咀過黎我當多謝兼係大恩大德架na...)