火都黎埋!!!

蔡素玉指曾蔭權全靠運氣

真係火都黎埋：
1. 曾蔭權做署理特首係根據基本法行事, 何來運氣? 蔡素玉咁講即係當基本法係兒嬉?

2. "部份親北京人士不接受他的擢升" 喂阿蔡女士, 你係香港選民選你出黎架, 你走去幫親北京人士出聲？？而且, 佢講到咁, 咩呀, 唔係運氣=所謂實力=得到北京認同?? 衰d講句, 香港特首係邊個係香港內政, 本來就唔關北京事!! 你係民選議員都冇呢個concept, 唔係呀化? (作為香港人我好歡迎有個受過殖民地政治洗禮既人做特首喎!!起碼我會相佢有返咁上下基本既政治智慧, 唔會好似阿董生咁"收"家!)

3. 論運氣本質：政治呢家野本來就好講運氣, 亦即所謂天時地利人和. 蔡女士咁講分明deny緊運氣係政治入面既價值即. 民建聯第二個deny我都冇咁嬲, 阿蔡女士自己連續兩屆立法會都係死好命咁入到去, 唔係唔了解呢個所謂"運氣"就係政治運行既一大本質呀下??


真係頂佢~~~~~~~~~!!



你睇下人地陳婉嫻
幾有大將之風, 幾有政治智慧
仲食埋個位將自己個工聯會同你個民建聯劃清界線
高下立見
高招!!!


如果唔係阿陳婉嫻我諗我真係會匿係spain落地生根架...