扣自己帽子

最近的達文西密碼熱
實在令太公被某教的媒體機構有關人等煩到痴毛巾

今天看了Maggie的日記, 覺得很有共鳴
尋秦記大家覺得好睇，但係真係睇完就信項羽老豆係項少龍咩？

同樣地
大家唔會玩完曹操傳就會以為曹操係赤壁之戰度冇輸到
唔會睇完大時代就真係信有丁蟹丟晒佢d仔落樓
唔會睇完書劍就真係以為有個咁大影響力既陳家洛
唔會睇完畢華流就真係以為有凱撒大帝男子中學
唔係聽完黃金少年就真係以為有萬能俠同發明俠
唔係聽完阿里爸爸既故事就真係以為講佢「芝麻開門」就可以開門
唔係聽完i love you boyz 就真係以為陸家俊同蔡輕麟東山再起先得架!!


所以，次次見面都懶自豪咁炫耀自己以咩藝術角度解構呢個達文西密碼
甚至係話尼采同唔知邊個同邊個係「敵基督」既某教教徒.......
(呢句太公既即時反應: 尼采係敵基督佛洛伊德仲唔係耶穌？)
我真係會以為你地勁到睇完尋秦記會真係相信項羽老豆係項少龍，同埋日日係度嘗試大叫「芝麻開門」開門架！！


真係痴線，人地Dan Brown都只係一個講故佬，無啦啦俾你班教徒升佢上神枱，令佢可以有個位咋家依話佢老婆都係研究歷史既，云云...冇你地佢都只係一個講古佬咋！講古佬講乜都得，好睇就得架啦！