我冇偷偷地走去遊行架!!

嗱, 一言既出, 咩馬都難追. 我係得"七一"，係得長毛背後吼叫話我唔會去遊行, 我就唔去!!!!

...呃...遊行左去屯門打牌lor....嗱, 屎屎, 我好乖架下今次, 冇打錢架下...

========================================

其實
既然之前咁多七一, 都有咁多人講話唔應該太著重人數, 俾到太大壓力市民。我同意, 我都唔覺得唔去有任何guilty. 我都想有普選架。

而且, 單單只係話個mission, 彷彿大晒咁, 要人出黎遊行, 令我反感。
大佬, 行黎行去都係果條route, 又係咁行, 又係跟住嗌果d口號, 一係咪加埋果d雞雞地既所謂渣麻..... 咁悶既野, 仲黎同你行既係俾面, 唔黎行, 我覺得真係應份。

即係, 我都覺得人數唔係一切。但係.....真係唔好咁頽好唔好? 即係, 次次都係遊行完, 你有你請願靜坐, 就由d人散....喂, 下次遊返返維園, 或者同賓賓爭場, 整返個carnival與眾同樂好唔好？仲可以透過d攪鬼game增加香港人對件事既理解.....香港人都冇乜humour, 乜都要正經百八咁...悶爆!!



好掛住果日我地係Edinburgh遊完行仲可以訓係個meadow度睇升波波呀!! 仲有架攪鬼巴士, 仲有band, 仲有好多好多好攪鬼真係堅既drama.........

pansy, 或者我真係變左. 但係如果你都有參加過果野make poverty history, 當你諗起香港呢個遊行咁叉悶, 你都會好唔想好唔想仲要特登俾來回廿幾蚊車費去。

而且我覺得呢個變, 冇咩唔好, 甚至乎我覺得非常好；我終於唔使俾一部份人講到好偉大既所謂公民責任洗腦, 變成一個遊行機器。如果一直都只係 "支持普選 = 要遊行", 我覺得成個諗法同討論, 都會變得好兩極化好單一；有d野, 於是就永遠都唔會有進步。